Bakıda “Global Woman Summit”-in qala-gecəsi keçirilib. Tədbirdə müxtəlif nominasiyalarda müxtəlif peşələrdə çalışan uğurlu qadınlar qeyd edilib. Mükafatlandırılan iştirakçılar arasında azərbaycanlı gimnast Zöhrə Ağamirova da var idi. Bu haqda bu gün, 28 mart tarixində Azərtac məlumat verib.
Olimpiya Oyunlarının fərdi bədii gimnastika proqramında iştirakçısı, IV İslam Həmrəyliyi Oyunlarının qalibi, Yay Universiadasının ikiqat gümüş mükafatçısı, azərbaycanlı gimnast Zöhrə Ağamirova “Uğurlu gimnast” nominasiyasında mükafatlandırılıb.
Qala-konsertdə Azərbaycanla yanaşı, Türkiyə, Qazaxıstan, İspaniya, İsveçrə, İran, Birləşmiş Ərəb Əmirlikləri, Tunis, Qətər və digər ölkələrdən qadınlar, sənətçilər, iqtisadçılar, alimlər, həkimlər, idmançılar və müxtəlif brendlərin yaradıcıları iştirak ediblər.
