Heydər Əliyev Sarayında “Bizi yaşadan nəğmələr” adlı konsert baş tutacaq. Bu haqda Sarayın rəsmi İnstagram səhifəsində məlumat verilib.
Heydər Əliyev Sarayında aprel ayının 28 və 29 saat 19:00-da bəstəkar, Xalq artisti Tofiq Quliyevin 105 illiyinə həsr olunmuş “Bizi yaşadan nəğmələr” adlı konsert proqramı keçiriləcək.
Konsertdə bəstəkarın unudulmaz nəğmələri səsləndiriləcək. Azərbaycanın tanınmış incəsənət nümayəndələri, Xalq artistləri Ənvər Sadıqov, Azər Zeynalov, İlqar Muradov, Gülyanaq Məmmədova, Gülyaz Məmmədova, Murad Hüseynov, Ramiz Quliyev, Əməkdar artistlər Aygün Bəylər, Zamiq Hüseynov, Elton Hüseynəliyev, Anar Şuşalı, Nurlan Növrəsli, Aygün Zeynalova, Xəyyam Nisanov, Afaq Abbasova, Zakir Əliyev, müğənnilər Atəş Qarayev, Fatimə Cəfərova, Şaban Cəfərov, Aydan Həsənova, Cəlal Kərimov, Samirə Allahverdiyeva, Vaqif Şıxəliyev, Səbinə Ərəbli, Azad Şabanov, Süleyman Süleymanov, Ürfan Cəfərov Qara Qarayev adına Azərbaycan Dövlət Kamera orkestrinin müşaiyəti ilə ifa edəcəklər.
Biletləri iticket.az-dan online və şəhərin kassalarından əldə etmək mümkündür.
