Paytaxtda yerləşən “Landmark” hotelində 2 müxtəlif filmin ödənişsiz nümayişi təşkil olunacaq. Bu haqda bu gün, 16 avqust tarixində Bakuplus.az Sevil Film Festivalına istinadən xəbər verir.
17:00-da ərəb rejissorun çəkdiyi “İstədiyim kimi” filmi nümayiş olunacaq. Kinoda hadisələr 2013-сü ilin yanvarında, Misirdəki inqilabın 2-ci ildönümündə baş verir. Rejissor Samaher Alqadi ölkədə artan qadın üsyanını sənədləşdirməyə başlayır.
19:30-da isə makedoniyalı rejissor Tamara Kotevskanın “Bal ölkəsi” filminin nümayişinə başlanılacaq. Kinoda köçəri arıçılar ailəsi barədə danışılır. Onların torpağı işğal edilib, dolanışığı üçün təhdidlər yarananda, Avropadakı sonuncu qadın arıçı arıları xilas etməli və Bal ölkəsində təbii tarazlığı qaytarmalıdır.
Hər iki kinodan sonra moderatorla birlikdə müzakirələr aparılacaq. Filmlər, müvafiq olaraq 88 və 85 dəqiqə davam edəcək.
