Bu günə, 16 avqusta kimi Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin məktəbəhazırlıq qruplarına 20 minə yaxın uşaq qeydiyyatdan keçib. Bu haqda bu gün, 16 avqust tarixində BŞTİ-nin mətbuat xidməti məlumat verib.
Məktəbəhazırlıq qruplarına qeydiyyat elektron qaydada həyata keçirilir, və sentyabrın 14-nə kimi davam edəcək. Valideynlər (digər qanuni nümayəndələr) öz şəxsiyyət vəsiqəsindən və uşağın şəxsiyyət vəsiqəsindən istifadə etməklə www.mektebeqebul.edu.az elektron sistemi vasitəsilə qeydiyyatdan keçə bilərlər.
Bu tədris ili üçün məktəbəhazırlıq qruplarına 2017-ci il təvəllüdlü uşaqlar cəlb olunur.
