Bu gün, mayın 20-də botanika elminin tanınmış alimi, “Şöhrət” ordeni laureatı, AMEA Dendrologiya İnstitutunun baş direktoru, AMEA-nın müxbir üzvü Tofiq Məmmədov ilə vida mərasimi keçirilib. Bu barədə məlumatı bu gün, 20 may tarixində Azərtac verib.
Dendrologiya İnstitutunda keçirilən mərasimdə Tofiq Məmmədovun ailə üzvləri və yaxınları, Bakı şəhər icra hakimiyyətinin və elmi ictimaiyyətin nümayəndələri iştirak ediblər.
Dünən, 19 may tarixində, səhər saatlarında işlə bağlı Xızı rayonuna gedən Tofiq Məmmədov yolda istirahət etmək üçün avtomobildən düşüb və bu zaman faciəli qəzanın qurbanı olub. Həmin yolda iki avtomobil toqquşmuş və onlardan biri yoldan çıxaraq T. Məmmədovu vurmuşdur.
[caption id="attachment_45306" align="alignnone" width="800"] Foto Azərtac.az saytı[/caption]
