Bakıda qız sevgilisinə qarşı külli miqdarda dələduzluq edib. Bu haqda 26 aprel tarixində BAKU.WS məlumat verib.
Bakıda gözəllik salonunda çalışan Sevinc Bədəlova 4 il sevgilisi olmuş Adəm Mirzəyevdən 434.000 manat pul alıb. Bədəlova Mirzəyevə yalandan deyib ki, Latviyanın paytaxtı Riqada yaşayan qardaşı vəfat edib və ondan külli miqdarda əmlak qalıb. Qadın bildirib ki, o, əmlakları adına keçirərək biznes qurmaq istəyir. Lakin bir müddət sonra o, yoxa çıxıb.
Mirzəyevin şikayəti əsasında Sevinc Bədəlova saxlanılıb və barəsində Cinayət Məcəlləsinin “Dələduzluq, külli miqdarda törədildikdə” maddəsi ilə ittiham irəli sürülüb. Cinayət işi üzrə toplanan materiallar baxılması üçün Bakı Ağır Cinayətlər Məhkəməsinə göndərilib.
