Avropa riyaziyyat kubokunda Bakı məktəb şagirdləri uğurla çıxış ediblər. Bu haqda 6 may tarixində Bakuplus.az Bakı Şəhəri üzrə Təhsil İdarəsinə istinadən məlumat verir.
Xorvatiya Gənc İstedadlı Riyaziyyatçılar Assosiasiyasının təşkil etdiyi və 31 ölkədən 100-dən çox məktəblinin qatıldığı X Avropa riyaziyyat kuboku müsabiqəsində məktəblilər uğurla çıxış ediblər.
Nəticələrə əsasən, 4 şagird II dərəcəli, daha 4 şagird isə III dərəcəli diploma layiq görülüblər.
Fizika, Riyaziyyat və İnformatika təmayüllü liseyin X sinif şagirdləri Cəlil Hüseynov, Fidan Qarayeva, XI sinif şagirdi Toğrul Abbasov və Türkiyə Dəyanət Vəqfi Bakı Türk liseyinin X sinif şagirdi Fidan Cəfərli II dərəcəli diploma layiq görülüblər.
Fizika, Riyaziyyat və İnformatika təmayüllü liseyin X sinif şagirdi Anar Mehdiyev, XI sinif şagirdləri Muhamməd Nuriyev, Amin Cəfərzadə və Bakı şəhəri 72 nömrəli tam orta məktəbin XI sinif şagirdi Cavad İsmayılzadə III dərəcəli diplom qazanıblar.
