Bakı Şəhəri üzrə Təhsil İdarəsinin tabeliyində olan ümumi təhsil müəssisələrində “Təbiəti qoruyanlar” layihəsinə start verilir. Bu haqda BakuPlus.az Azərtac-a istinadən bu gün, 20 aprel tarixində xəbər verir.
Məktəblərin həyətləri yaşıllaşdırılacaq və kiçik ölçülü oranjereya yaradılacaq.
Layihə çərçivəsində “Təbiətimizi qoruyaq” adlı maarifləndirici səhnəciklər, “Yaşıl layihə”, “Təbiəti qoruyanlar” adlı tədbirlər, ekoloji kurslar təşkil olunacaq, “Təbiətdən incəsənətə” mövzusunda yaradıcılıq işlərinin təqdimatı keçiriləcək.
Həmçinin guşələrin, “Məktəbli bostanı”nın və “Yaşıl sinif”lərin yaradılması da planlaşdırılır.
[caption id="attachment_41359" align="alignnone" width="800"] Foto Azərtac.az saytı[/caption]
