Bakıda avtobusda gənc qızlara qarşı əxlaqsız hərəkətlər edən şəxs saxlanılıb. Bu haqda bu gün, 4 may tarixində Qafqazinfo məlumat verib.
Məlum olub ki, bir neçə gün əvvəl Səbail rayon Polis İdarəsinin 41-ci Polis bölməsinə müraciət edən vətəndaş, naməlum kişinin onun 17 yaşlı qızına qarşı seksual xarakterli həkətlər etdiyini və qızını ölümlə hədələyini bildirib.
Araşdırma zamanı məlum olub ki, Bakı avtobuslarında oxşar hadisələr bir neçə dəfə də qeydə alınıb. Naməlum kişi qızları öldürməklə hədələyərək, onları müəyyən hərəkətlər etməyə məcbur edib. Belə ki, manyak əlində saxladığı gödəkçənin altında kəsici alət gizlədərək qızları hədələyib. Qızlardan biri onun şəklini mobil telefonla çəkib, sonra polisə təqdim edib.
Polis əməkdaşları tərəfindən keçirilən əməliyyat-axtarış tədbirləri nəticəsində həmin şəxsin kimliyi müəyyənləşdirilib və o saxlanılıb.
Məlum olub ki, həmin şəxs taksi sürücüsüdür və maşını yolun kənarında saxlayaraq, hər dəfə avtobusa minəndə oxşar davranışlara yol verib.
Faktla bağlı araşdırmalar aparılır.
