Bakıda xidmət, İKT və logistika istiqamətləri üzrə qısamüddətli təlimlərə qəbul elan edilir. Bu haqda 3 may tarixində Bakuplus.az Peşə Təhsili üzrə Dövlət Agentliyinə istinadən xəbər verir.
“Barista” ixtisası üzrə təlimlərdə iştirak etmək istəyənlər 5 may tarixinə kimi müraciət edə bilərlər. “Şəbəkə inzibatçılığı” üzrə təlimə 4-14 may, “Sistem inzibatçılığı” üzrə təlimə 6-16 may, “SQL proqramçı” təliminə 9-19 may, “Uİ/UX Dizayn” təliminə 11-21 may, “Anbar logistikası” üzrə təlimə isə 13-23 may tarixlərində müraciət qəbulu nəzərdə tutulur.
Təlimlər praktiki və nəzəri keçiriləcək. Qısamüddətli təlimləri müvəffəqiyyətlə bitirən iştirakçılara sertifikatlar təqdim olunacaq.
