Azərbaycanın Milli Qəhrəmanının həyat yoldaşı dövlət qurumunda işlə təmin edilib. Bu haqda BakuPlus.az Oxu.az-a istinadən 28 mart tarixində xəbər verir.
Milli Qəhrəman, şəhid general-mayor Polad Həşimovun həyat yoldaşı Ofelya Salmanova təhsil naziri Emin Əmrullayevin əmri ilə Bakı Şəhəri üzrə Təhsil İdarəsində işə qəbul olunub.
General-mayor Polad Həşimov 14 iyul 2020-ci il tarixində Tovuz istiqamətindəki şiddətli döyüşlər zamanı Ermənistan silahlı qüvvələrinin hücum cəhdinin qarşısını alarkən qəhrəmancasına şəhid olub.
