Bakının Suraxanı rayonu, Qaraçuxur qəsəbəsindəki yeganə uşaq parkı baxımsız vəziyyətdə qalır. Bu barədə 3 fevral tarixində Oxu.az reportaj təqdim edib.
Park Əhməd Mehbalıyev küçəsində yerləşir. İstirahət məkanı Sovet İttifaqı dövründə pionerlərin asudə vaxtlarını təşkil etmək üçün tikilib. Əvvəllər burada uşaqların əylənməsi üçün müxtəlif idman ləvazimatları, yelləncəklər və digər obyektlər var idi. Hazırda oturacaqlar yoxa çıxıb, yelləncəklər xarab olub. Ərazi isə zibilliyə çevrilib.
Yaxınlıqda olan Neftçilər parkı isə, əksinə, bir neçə il əvvəl təmir olunub, parkda mütəmadi olaraq təmizlik və abadlıq işləri aparılır.
[URIS id=89434]
