“İçərişəhər” Dövlət Tarixi qoruğunda nəzarətsiz qalan abidələrin vəziyyəti nə yerdədir? Bu haqda bu gün, 19 aprel tarixində Bakuplus.az ARB24-ə istinadən xəbər verir.
1791-ci ildə inşa olunan Hacı Heybət məscidi hazırda baxımsız vəziyyətdədir. Məscidin memarı və onun həyat yoldaşının məzarı da elə abidənin içərisində yerləşir.
14-cü əsrə aid tarixi abidə olan Çin məscidini bu gün yaradıcılıq emalatxanası kimi, 1646-cı ildə tikilən digər məktəb məscidini isə satış obyekti kimi istifadə edirlər.
Satış obyekti kimi istifadə olunan başqa bir məkan isə 15-ci əsrdə tədris məqsədilə inşa olunan mədrəsə məscididir. Burada satış ilə məşğul olan şəxs abidənin özəlləşdirildiyini bildirib.
“İçərişəhər” Dövlət qoruğunda 500 abidə rəsmi qeydiyyatdadır. Onlardan 4-ü dünya əhəmiyyətli abidə kimi dünya mədəni irs siyahısına daxildir.
