Şərq Bazarında “Arşın mal alan” milli silsiləvi satış-sərgi yarmarkası keçiriləcək. Bu haqda 29 iyul tarixində Bakuplus.az məlumat verib.
Yarmarka 5-7 avqust tarixlərində təşkil olunacaq. Burada 90 yerli brend tərəfindən 3 gün ərzində tekstil, qida, aksesuar, kosmetika, oyuncaq, ev əşyaları kimi məhsullar, eləcə də xidmətlər təqdim olunacaq. Həmçinin öz biznesini böyütmək istəyən sahibkarlar üçün ikitərəfli görüşlər və tanınmış ekspertlərin iştirakı ilə məsləhət saatları təşkil olunacaq.
Yarmarka zamanı uğurlu iş adamları ilə təcrübə mübadiləsi imkanı yaradılacaq.
