“20 Yanvar” dairəsi yaxınlığında yerləşən abidə kompleksi ziyarət olunub. Bu haqda bu gün, 20 yanvar tarixində Bakuplus.az Yasamal rayon İcra Hakimiyyətinə istinadən xəbər verir.
20 Yanvar faciəsinin 33-cü ildönümü ilə əlaqədar rayon icra hakimiyyətinin əməkdaşları, eləcə də millət vəkilləri, rayon hüquq-mühafizə orqanlarının rəhbərləri, ali məktəb rektorları, ziyalılar və şəhid ailələri abidə kompleksinə gələrək şəhidləri yad ediblər, abidənin önünə qərənfillər düzüblər.
Daha sonra şəhidlərin xatirəsi 1 dəqiqəlik sükutla yad edilib, Dövlət Himni səsləndirilib. Ən sonda İcra Hakimiyyətinin təşəbbüsü və Yasamal Bələdiyyəsinin təşkilatçılığı ilə ehsan süfrəsi açılıb.
[URIS id=87685]
