Suraxanı rayonu, 275 nömrəli məktəbin şagirdləri, həmçinin A-B yaşayış massivinin sakinlərinin istifadə etdiyi pilləkənlər pis gündədir. Bu haqda 15 aprel tarixində Aztv xəbər verib.
Sakinlər deyirlər ki, alternativ yolları olmadığından, hər gün bu pilləkənlərdən istifadə etmək məcburiyyətindədirlər. Məcburiyyətə səbəb isə pilləkənlərin baxımsız olması, yaşlı insanların rahat hərəkəti üçün məhəccərlərin, fiziki əngəlli şəxslərin hərəkəti üçün isə ayrıca zolağın hazırlanmamasıdır.
Müəllimlər bildirirlər ki, 30 ildən çoxdur istismar edilən bu pilləkənlər təmir edilmir. Bu barədə şikayətlərə isə baxan yoxdur. Sakinlər bu məsələ ilə bağlı dəfələrlə müraciət etdiklərinini bildirsələr də, yerli İcra Hakimiyyəti əksini iddia edir.
“Sözügedən məsələ ilə bağlı Rayon İcra Hakimiyyətinə heç bir məlumat verilməmişdir. Məsələ ilə bağlı RİH tərəfindən araşdırma aparılacaq, aidiyyəti üzrə göstəriş veriləcək və tədbir görüləcək”, - Suraxanı RİH-in Təsərrüfat Şöbəsinin müdiri Mehman Hüseynov deyib.
[caption id="attachment_40715" align="alignnone" width="800"] Foto AzTV-nin rəsmi Youtube kanalı[/caption]
