Bu gün, 29 mart saat 16:00-da Suraxanı Gənclər Evində “31 mart - Azərbaycanlıların Soyqırımı Günü”nə həsr olunmuş “Sündü” qısametrajlı filmi nümayiş olunacaq. Bu haqda Bakuplus.az Suraxanı Gənclər Evinə istinadən məlumat verir.
"Sündü" filmi 1918-ci ildə bolşevik və daşnakların Azərbaycan xalqının başına gətirdikləri soyqırımdan bəhs edir. Sündü kəndi (hazırda Qobustan rayonuna məxsusdur) soyqırıma ən çox məruz qalan kəndlərdəndir. Film Qobustan rayonunun Sündü və Təklə Mirzəbaba kəndlərində lentə alınıb.
Film Azərbaycan Respublikası Mədəniyyət nazirliyinin dəstəyi ilə Azərbaycan Dövlət Akademik Musiqili Teatrı tərəfindən 2021-ci ildə çəkilib.
