Bakıda Suraxanı məzarlığında insan sümükləri tapılıb. Bu haqda ATV Telekanalı reportaj hazırlayıb.
Ərazidə fotoreportaj hazırlayan media nümayəndələri tərəfindən tapılan insan qalıqları barədə məzarlığa nəzarət edən şəxslərə məlumat verilsə də, heç bir tədbir görülməyib.
İlahiyyatçı Hacı Təyyar Hüseynlinin sözlərinə əsasən, insan sümüklərinin ortalıqda qalması, əl-ayaq altında qalması dinimizə görə qəti yolverilməzdir.
Məsələ ilə bağlı Suraxanı Rayonu, Zığ bələdiyyəsi bildirib ki, həmin qəbiristanlıq cəmi iki ildir ki, bələdiyyənin balansına verildiyindən, köhnə qəbirlərlə bağlı bələdiyyə məsuliyyət daşımır.
Qurum rəsmisi əlavə edib ki, qəbiristanlıq ərazisinə nəzarət olunur və sözügedən məsələ ilə bağlı tədbir görüləcək.
Hadisə ilə bağlı baş prokurorluq və DİN-ə də məlumat verilib.
