Bakıda ağacları kəsən tikinti şirkəti cərimələnib. Bu haqda 7 aprel tarixində Report məlumat verib.
Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin əməkdaşlarının keçirdikləri nəzarət tədbirləri zamanı Suraxanı rayonu, Abbas Fətullayev küçəsində ağacların kəsilməsi faktı aşkarlanıb.
Məlum olub ki, ağacları sözügedən ərazidə tikinti işləri aparan “Liman FFD” MMC kəsib və nəticədə təbiətə 3600 manat məbləğində ziyan dəyib.
“Dəymiş ziyanın məbləği cinayət tərkibi yaratdığından toplanmış sənədlər Baş Prokurorluğa göndərilib”, - Xidmət rəsmisi Bəhruz Məhəmmədov bildirib.
