Tarix Muzeyində “Köhnə Bakı fırça yaddaşında” adlı sərgi açılıb. Bu haqda 9 aprel tarixində Azərtac xəbər verib.
AMEA-nın Milli Azərbaycan Tarixi Muzeyində həkim, rəssam Rauf Canıbəyovun “Köhnə Bakı fırça yaddaşında” adlı sərgisinin açılış mərasimi keçirilib. Tədbirdə muzeyin əməkdaşı dosent Məhfuzə Zeynalova, Xalq rəssamları Ağaəli İbrahimov, Arif Hüseynov, Əməkdar incəsənət xadimi Ziyadxan Əliyev iştirak ediblər.
İxtisasca cərrah olan Rauf Canıbəyovun yaradıcılığında Bakı ilə bağlı mövzular əsas yer tutur. Sərgidə onun 57 əsəri nümayiş etdirilir. Əsərlərdə Bakı şəhərinin küçələri, məhəllələri, mehriban sakinlərinin məişəti, milli memarlığı özünəməxsus tərzdə təsvir edilib.
Tədbirdə rəssam “Bakı küləklər şəhəri” adlı rəsm əsərini muzeyə hədiyyə edib.
[caption id="attachment_40055" align="alignnone" width="800"] azertac[/caption]
