Şəhid Teymur Zeynalovun xatirə bulağının açılışı olub. Bu haqda 29 mart tarixində AZƏRTAC məlumat verib.
Vətən müharibəsi şəhidi Teymur Zeynalovun adına xatirə bulağının açılış mərasimi baş tutub. Bulaq onun yaşadığı evin önündə quraşdırılıb. Şəhid Azərbaycan Dövlət İqtisad Universitetinin məzunudur.
Tədbirdə şəhidin ailə üzvləri, UNEC-in Tələbə Həmkarlar İttifaqı Komitəsinin sədri İlkan Əliyev, Beynəlxalq Magistratura və Doktorantura Mərkəzinin əməkdaşları və tələbələr iştirak ediblər. UNEC-in kollektivi şəhidin əziz xatirəsini ehtiramla yad edərək, bulağın önünə əklil və gül dəstələri düzüb.
