Xalq şairi Fikrət Qocanın abidəsinin açılışı olub. Bu haqda 5 may tarixində Bakı Şəhər Mədəniyyət Baş İdarəsi məlumat verib.
Birinci Fəxri xiyabanda Azərbaycan Yazıçılar Birliyinin mərhum birinci katibi, Xalq şairi Fikrət Qocanın qəbirüstü abidəsinin açılış mərasimi keçirilib. Mərasim Xalq şairinin vəfatının ildönümündə baş tutub.
Tədbirdə Azərbaycan Yazıçılar Birliyinin sədri Anar Rzayev, şair və yazıçılar, Xalq şairinin ailə üzvləri iştirak ediblər.
Abidənin müəllifi Xalq rəssamı Natiq Əliyevdir, memarı isə Şamil Buksayevdir. Heykəl bürüncdəndir, oturduğu daş isə qaya parçasındandır.
Xalq şairi Fikrət Qoca ötən ilin may ayının 5-də uzun sürən xəstəlikdən sonra 85 yaşında dünyasını dəyişib.
