Azərbaycan Milli Karate Federasiyası cari ilin sentyabr ayının 2-4-ü tarixlərində Bakıda keçiriləcək Karate-1 Premyer Liqa yarışının könüllülər proqramını açıqlayıb. Bu haqda bu gün, 29 iyul tarixində Bakuplus.az “İrəli” İctimai Birliyinin mətbuat xidmətinə istinadən məlumat verir.
İki gün davam edəcək yarışda 80 ölkədən 400-ə yaxın idmançı iştirak edəcək. “İdman dostluqdur” şüarı altında keçiriləcək turnirdə 100-ə yaxın beynəlxalq dərəcəli hakimin iştirakı gözlənilir.
Yarış Dünya Karate Federasiyası, Azərbaycan Gənclər və İdman Nazirliyi, Milli Olimpiya Komitəsi, Milli Karate Federasiyası və “İrəli” İctimai Birliyinin tərəfdaşlığı ilə keçirilir.
Çempionatda könüllü qismində iştirak etmək istəyən 16-29 yaş arası təşəbbüskar, həvəsli, məsuliyyətli gənclər aşağıdakı linkdən qeydiyyatdan keçə bilərlər:
https://forms.gle/vAqaaLX2z8mKmFj7
