Bu gün, 20 may tarixində “Sərhədçi” İdman Olimpiya Mərkəzində kikboksinq üzrə XXVI Azərbaycan çempionatı start götürüb. Bu haqda Azərtac məlumat verib.
Çempionatda ilk dəfə olaraq idmançılar full-kontakt kikboksinq üzrə mübarizə aparır. Beləliklə, XXVI Azərbaycan çempionatının iştirakçıları lou-kikdə də medallar uğrunda mübarizə aparacaqlar. Kişilər 9 çəki dərəcəsində, qadınlar isə 5 çəki dərəcəsində mübarizə aparırlar.
Çempionat mayın 22-dək davam edəcək. Müsabiqənin qalibləri Azərbaycanı İslam Həmrəyliyi Oyunlarında təmsil etmək hüququ qazanacaqlar.
