Şose velosipedi üzrə Azərbaycan çempionatı keçiriləcək. Bu haqda 18 iyun tarixində Bakuplus.az Respublika Olimpiya Velosiped Məktəbinə istinadən xəbər verir.
Sözügedən çempionat 18-19 iyun tarixlərində Bakıda keçiriləcək. Yarışda U-17, gənclər və U-23/Elit yaş kateqoriyaları üzrə oğlanlar və qızlar mübarizə aparacaqlar.
İlk yarış günündə velosipedçilər Pirallahı rayonunda “Nərəkənd” parkının yaxınlığından start götürməklə fərdi ötüşmələr, ikinci yarış günündə isə “Dreamland” Qolf Klubun yaxınlığından Qala qəsəbəsi istiqamətində start götürməklə qrup ötüşmələrində mübarizə aparacaqlar.
Yarışın qaliblərinə medal, diplom və qiymətli hədiyyələr təqdim ediləcək.
