Bakı Olimpiya İdman Kompleksində iyun ayının 1-i və 2-si bədii gimnastika üzrə “Ocaq İdman Klubu”nun 1-ci Açıq Çempionatı keçiriləcək. Bu haqda bu gün, 23 may tarixində Bakuplus.az İticket.az-a istinadən məlumat verir.
Yarışda ümumilikdə 15 paytaxt və rayon klubundan 248 idmançı iştirak edəcək.
Çempionatda fərdi və qrup hərəkətləri proqramlarında gimnastlar 3 yaş kateqoriyalarında - balacalar, yeniyetmələr və gənclər üzrə çıxış edəcəklər.
Gimnastika idmanı həvəskarları iştirakçıların çıxışlarını canlı izləyə biləcəklər. Biletləri onlayn da almaq mümkündür.
Yarışlarda tamaşaçı qismində iştirak edən şəxslər, 18 yaşına çatmamış şəxslər istisna olmaqla, qüvvədə olan COVID-19 peyvəndi sertifikatı və ya immun sertifikatı, COVID-19 peyvəndinə əks göstəriş şəhadətnaməsi təqdim etməlidirlər.
[URIS id=45534]
