Gənclər və İdman Nazirliyi “İdman hamı üçün" aksiyası çərçivəsində 29 iyul tarixində Böyükşor bulvarının ərazisində paytaxt sakinləri arasında “İdman Festivalı” keçirəcək. Bu haqda bu gün, 28 iyul tarixində Bakuplus.az nazirliyə istinadən xəbər verir.
Saat 17:00-da başlayacaq festivalda taekvondo, karate, kapoeyra və s. idman növləri üzrə nümunəvi çıxışlar və atletika, kəndirdartma, tir atıcılığı, darts üzrə yarışlar təşkil olunacaq.
Bütün yaş qruplarından olan sakinlər “İdman hamı üçün” aksiyasına qoşula bilərlər. İdman növləri üzrə normativləri yerinə yetirən vətəndaşlar sertifikatlarla təmin olunacaqlar.
