Bakının Heydər Əliyev Mərkəzinin parkında 6 və 7 avqust tarixlərində “Uşaqlar üçün gimnastika” və “Uşaqlar arasında ənənəvi sürətli şahmat turniri” keçiriləcək. Bu haqda bu gün, 1 avqust tarixində Bakuplus.az məlumat verir.
6 avqust, saat 10:00-da başlayacaq "Uşaqlar üçün gimnastika"nı Gymkids idman klubunun baş məşqçiləri Sevil Fərəcova və Kamilla Kazımova aparacaqlar. Tədbirdə 4-12 yaş arası uşaqlar iştirak edə bilərlər. Məşqdə iştirak etmək üçün iştirakçılar özü ilə idman forması gətirməlidirlər. Tədbirə qoşulmaq üçün heç bir qeydiyyat və yaxud ödəniş tələb olunmur.
7 avqust saat 16:00-da “Uşaqlar arasında ənənəvi sürətli şahmat turniri” baş tutacaq. Tədbir “Ağ at” şahmat klubu tərəfindən təşkil olunacaq. İştirak pulsuzdur və 5-16 yaş arası uşaqlar və yeniyetmələr üçün nəzərdə tutulub. Oyuna qoşulmaq üçün qeydiyyatdan keçmək mütləqdir. Qeydiyyat üçün əlaqə nömrəsi: 055 581 99 98.
