Bakının Suraxanı rayonunun Bülbülə qəsəbəsində 42 yaşlı kişi itələnmə nəticəsində ölüb. Bu haqda bu gün, 19 iyul tarixində Bakuplus.az Azərbaycan Respublikası Baş Prokurorluğuna istinadən məlumat verir.
Hadisə iki gün öncə baş verib. İlkin məlumata görə, Musa İbadullayevin tanışı Emin Məmmədovu itələməsi nəticəsində sonuncu yerə yıxılıb. Kişi aldığı xəsarətlərdən xəstəxanada dünyasını dəyişib.
Faktla bağlı Suraxanı Rayon Prokurorluğunda Cinayət Məcəlləsinin “Ehtiyatsızlıqdan adam öldürmə” maddəsi ilə cinayət işi açılıb, İbadullayev şübhəli şəxs qismində saxlanılıb.
