Daxili İşlər Nazirliyi körpə qızın satılması və həyatının təhlükədə olması ilə bağlı açıqlama verib. Nazirliyin mətbuat xidmətinin əməkdaşı Nurlan Əliyevin sözlərinə görə, məsələ araşdırılır. Bu haqda 12 avqust tarixində Oxu.az məlumat verib.
Əliyev bildirib ki, körpənin həyatı və təhlükəsizliyi ilə bağlı bütün təfərrüatlar araşdırılır. İddialar nəzarətə götürülüb. Araşdırmanın nəticəsi barədə əlavə məlumat veriləcək.
Daha öncə, 11 avqust tarixində Azərbaycan Uşaqlar Birliyinin sədri Kəmalə Ağazadə bildirib ki, 6 aylıq qız nənələri tərəfindən sığınacağa gətirilib. Onlar, həmçinin iddia edirlər ki, anası 4 gündür uşağı atıb qaçıb. O, bir dəfə uşağını satmağa cəhd edib, lakin qarşı tərəf qanunvericiliyi bildiyi üçün qorxduğundan prosesi dayandırıb. Nənələri qızın hər an gəlib uşağı qaçırmasından və yenidən satmağa çalışacağından qorxurlar.
