Bakıda səfirlik əməkdaşı avtomobil qəzasına düşüb. Bu haqda BakuPlus.az Trend-ə istinadən bu gün, 13 may tarixində xəbər verir.
Hadisə bu gün saat 11:00 radələrində baş verib. 35 yaşlı Türkiyə vətəndaşı Yüzak Taner idarə etdiyi avtomobillə hərəkətdə olarkən digər nəqliyyat vasitəsi ilə toqquşub.
Hadisə nəticəsində ağır xəsarət alan Y.Taner reanimasiya şöbəsinə yerləşdirilib.
Kliniki Tibbi Mərkəzin Mətbuat Xidmətinin rəhbəri Elnur Hidayətoğlunun sözlərinə görə, hazırda yaralı qapalı kəllə-beyin travması ilə Mərkəzin reanimasiyasındadır.
Onun vəziyyətinin ağır stabil olduğu qeyd olunur.
Y.Tanerin Türkiyənin Azərbaycandakı səfirliyinin əməkdaşı olduğu bildirilir.
