"Biz iki il ərzində kağızdan imtina etmək istəyirik".
Oxu.Az xəbər verir ki, bunu Mədəniyyət Nazirliyinin Yaradıcı sənayelər və rəqəmsal inkişaf şöbəsinin müdiri Rəşad Əzizov "e-Culture" rəqəmsal idarəetmə modeli çərçivəsində görülmüş işlərə dair ictimai təqdimatda çıxışı zamanı deyib.
O bildirib ki, özlərinə aid bütün məlumatların rəqəmsallaşdırılması üzərində çalışırlar: "Bu iki ildə bizə aid olan bütün sahələrdə kağızdan imtina edib tam rəqəmsallaşdırmanın təmin edilməsi üçün çalışırıq. Bunlar icra edildikdən sonra əməliyyatların elektronlaşması ərsəyə gələ bilər".
