“Rok musiqisi bir növ bizim aşıq musiqimizdir. Rok musiqisi də, aşıq musiqisi də üsyandır, çağırışdır. Ümumiyyətlə, musiqinin millisi, qeyri-millisi olmur”.
Bakuplus.az xəbər verir ki, bu fikirləri APA TV-nin “Sözüm var” proqramında tanınmış bəstəkar, Əməkdar artist Vüqar Camalzadə səsləndirib.
Azərbaycan və dünya musiqisinin tarixi barədə danışan bəstəkar bildirib ki, klassik Avropa musiqi ənənəsi əsasını Yaxın Şərqdən alıb və bu ənənəni qoyan bizim azərbaycanlıdır.
“Əbdülmöminin şeyxül Səfiyyədin Urməvi bu sistemi yaradıb, bütün Şərq və Avropa bu musiqidən yararlanıb. Urməvi orta əsrlərdə cənubi Azərbaycanda yaşayıb. Kilsə onun nəzəriyyəsindən yararlanaraq öz sistemini qurub”, - deyə o qeyd edib.
