Bakıda evlərdən oğurluq edən şəxslər saxlanılıb. Bu haqda BakuPlus.az Daxili İşlər Nazirliyinə istinadən bu gün, 2 mart tarixində xəbər verir.
Fevralın 1-dən 28-dək olan müddətdə paytaxtın Pirallahı rayonunda 4 evdən pul, elektrik təmir alətləri, naqil, su nasosu, məişət əşyaları və təmir-tikinti alətlərini oğurlamaqda şübhəli bilinən Bakı şəhər sakini X.Şirinov və İmişli rayon sakini E.Əzizov saxlanılıblar.
Aparılan tədbirlər zamanı onların fevralın 15-dən 28-dək olan müddətdə Dübəndi bağları ərazisindəki 2 evdən televizor, su nasosu, ütü və elektrik naqili oğurlamaları da müəyyən edilmişdir.
Araşdırmalar davam edir.
