Bakının Suraxanı rayonunda 1999-cu il təvəllüdlü Əfqan yetkinlik yaşına çatmayan Leyla (adlar şərti verilib – red.) ilə cinsi əlaqədə olmaqda ittiham edilib.
Teleqraf.az-ın məlumatına görə, Əfqan 2023-cü ilin aprel ayının axırlarında Leyla ilə onun kirayədə yaşadığı evində qeyri-təbii, may ayının əvvəllərində isə təbii yolla cinsi əlaqədə olub. Bu münasibət 2024-cü ilin yanvarına qədər davam edib.
İstintaq zamanı təqsirləndirilən şəxs bildirib ki, qızla 2022-ci ildə parkda tanış olub. Qızın xoşuna gəldiyini, telefon nömrəsi aldığını və bir müddət sonra görüşməyə başladıqlarını deyib. O, qızın məktəbli olduğunu bildiyini etiraf edib. Amma yaşının 17 olduğunu düşündüyünü deyib.
Leyla isə ifadəsində bildirib ki, münasibət qarşılıqlı olub, bir-birilərini sevməyə başlayıblar və hər şey öz razılığı ilə baş verib. 2024-cü ilin mayında qızın hamilə olduğu üzə çıxıb. O, 18 həftəlik hamilə olduğunu öyrənib, amma nə özü, nə də anası bu haldan şikayətçi olmayıb.
Məhkəmənin hökmü ilə təqsirləndirilən şəxsə 1 il 6 ay sınaq müddəti müəyyən olunmaqla 1 il 6 ay cəza təyin olunub.
