Abşeron rayonunda 1976-cı il təvəllüdlü Ələddin mübahisə zamanı tanışı Ruslana xəsarət yetirib.
Teleqraf.az-ın əldə etdiyi xəbərə görə, hadisə 22 noyabr 2024-cü ildə Mehdiabad qəsəbəsində baş verib.
İş üzrə ifadə verən Ələddin ittiham üzrə özünü təqsirli bilib. İfadəsində göstərib ki, 2024-cü ilin avqust ayından Mehdiabad qəsəbəsində iki mərtəbəli tikilinin ikinci mərtəbəsində icarə əsasında kafe işlədir. Həmin vaxtdan birinci mərtəbədə təsərrüfat malları satan Ruslanı tanıyır.
Təqsirləndirilən şəxs qeyd edib ki, noyabrın 24-də təxminən saat 22 radələrində kafedə müştəri yeyib-içdikdən sonra hesabını ödəmədiyi üçün aralarında münaqişə yaranıb. Ələddin həmin vaxt içkili olub. Müştərini qorxutmaq üçün masanın üzərindən mətbəx bıçağı götürüb.
Bu zaman Ruslan və digər müştərilər onları aralamaq istəyiblər. Ruslan israrlı şəkildə onları sakitləşdirməyə çalışıb. Əlləddin ondan getməsini tələb etsə də, qulaq asmayıb. Bundan sonra Əllədin bıçaqla Ruslanın qarın nahiyəsinə zərbə endirib.
Məhkəmənin hökmü ilə Ələddin 6 il müddətinə azadlıqdan məhrum edilib.
