Ali Məhkəmədə on dörd yaşına çatmayan şəxsə qarşı seksual xarakterli zorakılıq hərəkətləri etməkdə təqsirləndirilən Əhməd Vəlizadənin (adı, soyadı şərtidir) barəsindəki qərardan verilən kassasiya şikayəti üzrə məhkəmə iclası başa çatıb.
Pravda.az-ın əldə etdiyi məlumata görə, hakim Teyyub Muxtarovun sədrliyi ilə keçirilən prosesdə qərar elan olunub.
Qərara əsasən, kassasiya şikayəti təmin edilməyib.
İttihama görə, 1967-ci il təvəllüdlü Əhməd Vəlizadə təxminən 2022-ci il sentyabrın əvvəllərində Bakı şəhəri, Xəzər rayonu ərazisində yerləşən evinin həyətində 2013-cü il təvəllüdlü, zərərçəkmiş B.B.-yə qarşı aşkar surətdə uşaqbazlıq və seksual xarakterli zorakılıq hərəkətləri edib.
Hadisədən sonra Əhməd Vəlizadə saxlanılaraq cinayət məsuliyyətinə cəlb edilib.
Bakı Ağır Cinayətlər Məhkəməsinin hökmü ilə o, 10 il müddətinə azadlıqdan məhrum edilib. Bakı Apellyasiya Məhkəməsinin qərarı ilə apellyasiya şikayəti təmin edilməyib, hökm dəyişdirilmədən saxlanılıb.
