"Hər gün sürət qatarından istifadə edərkən kart ödənişində problem yaşayıram. Bank kartını vuranda keçid açılmır və işçilər "kart işləmir, başqa kart yoxlayın" deyirlər. Mən də digər kartdan istifadə edirəm və keçid açılır. Lakin növbəti gün sistemdə hər iki kartımdan da vəsait çıxıldığı görünür: işləməyən kartdan 1.20 AZN, keçidə icazə verən kartdan isə 0.60 AZN tutulur".
Bakuplus.az xəbər verir ki, bunu öz sosial şəbəkə hesabında jurnalist Sünbül Hüseynova yazıb.
Onun sözlərinə görə, ilk kart işləmirsə, ondan necə ödəniş çıxıla bilər?
"Məsələ ilə bağlı stansiya işçilərinə müraciət etdikdə, "qaynar xəttə zəng edin" deyilir, lakin qaynar xətt ümumiyyətlə cavab vermir və işlək deyil. Niyə mən 0.60 AZN-lik yol üçün 1.80 AZN ödəməliyəm?", - jurnalist şikayətində qeyd edib.
