Binəqədi rayonu, Rəsulzadə qəsəbəsi, Zahid Qənbərov 1 ünvanındakı bir tərəfi açıq lük insanlar, xüsusilə azyaşlılar üçün problem yaradır.
Bu barədə Bakuplus.az-a qəsəbə sakinləri məlumat veriblər.
Sakinlər deyirlər ki, lük məktəb yolunun üstündə olduğuna görə, övladlarının təhlükə ilə üzləşmək ehtimalı böyükdür.
Onların sözlərinə görə, şagirdlərdən birinin ayağı lükün açıq hissəsinə düşüb və o, xəsarət alıb.
Sakinlər problemlə bağlı İri Şəhərlərin Birləşmiş Su Təchizatı Xidmətinə məlumat versələr də, heç bir tədbir görülməyib.
