Bakının Yasamal rayonu ərazisində beşmərtəbəli binaların sökülməsi planlaşdırılır. Bu haqda bu gün, 23 yanvar tarixində Bakuplus.az Media.az-a istinadən məlumat verir.
Sözügedən evlər Zahid Xəlilov və Əbdürrəhim bəy Haqverdiyev küçələrində, keçmiş 5 saylı çörək zavodunun yanında yerləşən binalardır.
Sakinlərə yeni tikilən mənzillərdə əlavə sahəsi 20 kvadratmetr olan mənzillər təklif olunacaq. Yeni binaların tikintisi zamanı vətəndaşlara müvəqqəti yaşayış yeri üçün 700 manat məbləğində kirayə haqqı ödəniləcək.
Yeni tikililərdə mənzillərə köçmək istəməyənlərə hər kvadratmetr üçün 1700 manat məbləğində pul kompensasiyası təklif olunacaq.
[caption id="attachment_87888" align="alignnone" width="640"]
Foto açıq mənbədən[/caption]
