Bakının Nərimanov rayonunun sakinləri Azərbaycan Diplomatiya Akademiyasının yaxınlığında yerləşən, təxminən 1 ay öncə istifadəyə verilmiş parkdakı natəmizlikdən şikayətçidirlər.
Bakuplus.az xəbər verir ki, bu barədə sosial şəbəkə istifadəçiləri öz hesablarında yazıblar.
Onların sözlərinə görə, parkda insanların istirahəti üçün bütün şərait yaradılıb: uşaqlar üçün attraksionlar, tennis, basketbol meydançaları, gözəl skamyalar var, ancaq bəzi insanlar bu gözəlliyə xələl gətirir, zibili hara gəldi atırlar.
"Təəssüflər olsun ki, artıq son dönəmlərdə rastlaşdığım mənzərə məni dəhşətə gətirir. Ekoloji tərbiyə də digər tərbiyə növləri kimi ailədən və məktəbdən gəlir"- sosial şəbəkə istifadəçilərindən biri yazıb.
