Bu gün Azərbaycanda Milli Dirçəliş Günü qeyd olunur. Bu günün qeyd edilməsi 17 noyabr 1988-ci ildə Bakının indiki Azadlıq meydanında keçirilən və 17 (18) gün davam edən milli-azadlıq hərəkatı ilə bağlıdır.
Etirazçılar SSRİ Ali Sovetinin sessiyasında Ermənistanın təcavüzü məsələsinin qaldırılmasını tələb edirdilər. Lakin 4 dekabrda sovet qoşunları zirehli texnikadan istifadə edərək meydanı zorla boşaltdılar, bir çox etirazçılar isə həbs edildilər. Meydan dağıldıqdan sonra bir neçə gün Bakıda və başqa şəhərlərdə etiraz aksiyaları keçirildi.
18 oktyabr 1991-ci ildə “Azərbaycan Respublikasının dövlət müstəqilliyi haqqında” Konstitusiya Aktı qəbul olundu və beləliklə, Azərbaycan öz müstəqilliyini tamamilə bərpa etdi. Bir il sonra 17 Noyabr - Milli Dirçəliş Günü elan edildi.
