Tanınmış aparıcı Elçin Əlibəyli Hüseyn Cavid prospekti 17 A ünvanında yerləşən "Araz" marketdə istifadə müddəti iyun ayında bitən məhsullar satışda olduğunu iddia edib.
Bakuplus.az xəbər verir ki, o, bu barədə öz sosial şəbəkə hesabında yazıb.
Aparıcı bildirib ki, vaxtı keçmiş məhsullar istifadə müddəti 2026-cı ildə bitəcək eyni məhsulların içərisində gizlədilib: "Üstəlik üzərində Azərbaycan dilində olan yazı bütün məhsullardan qoparılıb. Səbəb müəmmalıdır. Bu barədə Azərbaycan Qida Təhlükəsizliyi Agentliyi qaynar xəttinə məlumat versəm də, nəticə yoxdur. "Araz" marketin mağaza nümayəndəsi isə bəhanələr silsiləsi təqdim edərək, satışı davam etdirir. Ümid özümüzədir, hər məhsulun üzərini böyüdücü şüşə ilə oxuyaq gərək. Mən şəxsən çantamda böyüdücü şüşə gəzdirirəm".
