Narkoloji Dispanserə yerləşdirilən 14 yaşlı Ruslan Məmmədov İTV kanalına 23 yanvar tarixində müsahibə verib.
Onu uşaq yaşlarından narkotiklərdən istifadə etməyə öz doğma anası və əmisi vadar ediblər. Zorla diləndirilən yeniyetmə 1 il əvvəl xəstəxanaya yerləşdirilib, çıxandan bir müddət sonra isə yenidən vərdiş etdiyi yaşam tərzinə dönüb.
Hazırda narkoloji dispanserdə müalicə alan bu yeniyetmənin gələcəyinin necə olacağı məlum deyil. Çünki ona narkotik öyrədən anası və əmisinin ona necə reaksiya verəcəkləri bəlli deyil.
Müsahibədən aydın oldu ki, 9-cu sinifdə oxumalı uşaq heç məktəbə də getməyib, oxumağı, yazmağı bilmir. Onun sözlərinə görə, ilk dəfə narkotik vasitəni 2 il əvvəl qəbul edib. Yeniyetmənin nitq problemi olması ona fikirlərini ifadə etməyə imkan vermir.
İki il əvvəl bir yeniyetmə narkotikdən xilas olmaq üçün narkoloji klinikada müalicə olunmuşdur. Bir aylıq müalicədən sonra bir il ərzində heç bir zərərli maddədən istifadə etməyib. Lakin bir müddət sonra o, yenidən narkotik istifadə etməyə və dilənməyə başlayıb. Yeniyetmə iddia edir ki, onu dilənməyə məcbur edən əmisi olub. Qazanılan pulu o, anasına və əmisinə vermişdir ki, onlar narkotik vasitələri ala bilsinlər. O, dilənmək istəmədiyini, lakin narkotik asılılığının onu buna vadar etdiyini deyib.
Ruslan müalicədən sonra artıq narkotikdən istifadə etməyəcəyini bildirib. O, dispanserdən çıxandan sonra rayonda dayısının yanında yaşamağı planlaşdırır.
