17 noyabr 1988-ci ildə Bakının Azadlıq meydanında (keçmiş Lenin meydanı) Azərbaycan xalqının uzunmüddətli mitinqləri başlamışdır. 17 gün fasiləsiz davam edən, bir milyona yaxın insanın qatıldığı bu mitinqlər SSRİ-də ən kütləvi etiraz aksiyası olmuşdur.
Bu mitinqlərdə xalq Ermənistanın Azərbaycana qarşı təcavüzünün dayandırılmasını tələb edirdi. Tələblərin sırasına, Dağlıq Qarabağda antiazərbaycan siyasəti yeridən qurumun ləğv edilməsi, əks halda Ermənistanla iqtisadi əlaqələrin kəsilməsi, SSRİ Ali Sovetinin sessiyasında Ermənistanın təcavüzü məsələsinin qaldırılması daxil idi.
Hökumət nümayəndələri mitinqi dayandırmağı tələb etsə də, xalq tələbləri meydanı tərk etməyəcəyini bildirmişdir. Yalnız dekabrın 3-dən 4-nə keçən gecə ümumxalq mitinqləri sovet qoşunları və zirehli texnikanın tətbiqi ilə dağıdılmışdır.
17 günlük “Meydan hərəkatı” Azərbaycanın müstəqilliyinin bərpasında mühüm rol oynayıb. 3 ildən sonra, 1991-ci ildə Azərbaycan müstəqilliyini elan edib. 1992-ci ildə isə 17 noyabr Milli Dirçəliş Günü elan edilib.
