20 yanvar faciəsindən 32 il ötür. Bir zamanlar azadlıq uğrunda çöllərə çıxan insanları yad etmək üçün bu gün dövlət xadimləri, xarici ölkələrin nümayəndələri, qazilər, Şəhid ailələri və yerli sakinlər Şəhidlər Xiyabanını ziyarət ediblər.
Şəhidlərin xatirəsinin yad edilməsi Prezident İlham Əliyevin xiyabanı ziyarət etməsi və əklili qoyması ilə başlamışdır. Qarlı və küləkli hava şəraitinin olmasına baxmayaraq, insanların axını saat 10:00-dan etibarən davam etməkdədir.
Hər il olduğu kimi, bu il də saat 12:00-da paytaxtda və ölkə ərazisində bütün şəhidlərin xatirəsi bir dəqiqəlik sükutla yad edilib. Şəhərin küçələrində avtomobillər işıqforlarda dayanaraq səs siqnalı, Bakı buxtasında gəmilər, dəmir yollarında isə qatarlar fit səsləndiriblər.
20 yanvar 1990-cı ildə Bakıda və respublikanın müxtəlif rayonlarında 147 nəfər küçələrdə və evlərində qətlə yetirilmiş, 744 nəfər yaralanmış, 841 nəfər qanunsuz həbs olunmuşdur.
