Yeni ili harada qarşılayacağınız barədə hələ də qərar verməmisinizsə, o zaman diqqətlə oxuyun. Paytaxtın müxtəlif restoran və hotellərində bayramın necə, neçəyə və nə vaxt keçiriləcəyi barədə məlumatları BakuPlus təqdim edir.
2022-ci ili xüsusi “Gatsby Party” tərzində keçirmək istəyənlər Four Seasons Hotel-dəki Bentley's Whisky Bar-a gələrək gecə boyu rəqs, qəlyanaltılar, limitsiz içkilərdən həzz ala bilər. Bir nəfər üçün ödəniş 110 manat təşkil edir.
31 dekabrda Marriott Baku Boulevard Hotel-də 2 fərqli proqram təqdim olunacaq. White City Restaurant & Bar-da bir nəfər üçün nəzərdə tutulmuş menyunun qiyməti 150 manat, Green House Asian Kitchen restoranında isə Yeni il bufeti 170 manat dəyərindədir. İstəkdən asılı olaraq əlavə 100 manat ödəməklə Premium alkoqol menyusundan istifadə edə bilərsiniz.
Yeni ilin son gününü Merchant Hotel-də bir nəfər üçün 180 manat ödəyərək qeyd edə bilərsiniz. Qiymətə sərinləşdirici içkilər, özəl menyu və əyləncə proqramı daxildir. 6 yaşadək uşaqlara giriş pulsuz, 6-12 yaş uşaqlar üçün giriş 50 faizlik endirimlə nəzərdə tutulub.
Mangal Steak House Zugulba restoranında Yeni il proqramının qiyməti bir nəfər üçün 160 manatdır. Menyu qiymətinə şampan da daxildir.
Yeni il şənliyi üçün qeyri-adi yer seçmək istəyirsinizsə, Suraxanı Gəmi restoranına diqqət yetirin. 120 manat ödəməklə Yeni il xüsusi menyusu və digər əyləncələrlə dolu gecə yaşayın.
Pandemiya şəraitində Gürcüstana gedə bilməmisinizsə, o zaman Yeni ili Khachapuri Garden restoranında gürcü mətbəxinin təamlarından dadaraq fərqli ab-havada qeyd etmək şansınız var. Burada bir nəfər üçün menyunun qiyməti isə 120 manat təşkil edir.
Qeyd olunan bütün məkanlarda gecə boyu canlı musiqi, DJ və ya müxtəlif musiqi proqramları təqdim olunacaq.
