Bakıda könüllülər Bakı Nəqliyyat Agentliyində işlə təmin olunublar. Bu haqda Azərtac xəbər verib.
2021-ci ildə icra edilən 3-cü “Nəqliyyat Könüllüləri” proqramında iştirak üçün 400 nəfər müraciət edib. Onlardan 33 nəfəri “Nəqliyyat könüllüsü” məzunu adını qazanıb və mükafatlandırılıb. Ötən il könüllülər üçün 10 təlim və təqdimat keçirilib, 5 səfər təşkil edilib.
Proqramda iştirak edən 4 nəfər könüllü Bakı Nəqliyyat Agentliyində daimi işlə təmin olunub. Fəallığı ilə fərqlənən 2 iştirakçı isə “İlin könüllüsü” adına layiq görülüb.
Hazırda 4-cü “Nəqliyyat Könüllüləri” proqramına könüllülərin qəbulu elan edilib. 18 yaşı tamam olan şəxslər öz CV formalarını 2022-ci il yanvarın 31-dək “konullu@bna.az” elektron poçt ünvanına göndərə bilərlər.
