6 nömrəli uşaq musiqi məktəbinin şagirdi "Sounds and Rhythms of Vienna" Beynəlxalq Müsabiqəsinin ikincisi olub. Bu haqda 5 yanvar tarixində Bakı Şəhər Mədəniyyət Baş İdarəsi məlumat verib.
Ə.Bakıxanov adına 6 nömrəli uşaq musiqi məktəbinin I sinif şagirdi Məryəm Nəcəfzadə Avstriyanın Vyana şəhərində keçirilən "Sounds and Rhythms of Vienna" Beynəlxalq Müsabiqəsində iştirak edib.
Müsabiqədə P.İ.Çaykovskinin "Uşaq mahnısı" əsərini məharətlə ifa edərək o, 120 min iştirakçını geridə qoyaraq II yer tutub. Məryəm münsiflər heyətinin qərarı ilə "Laureat" adına layiq görülüb və diplomla mükafatlandırılıb.
Münsiflər heyəti, həmçinin Məryəmin müəllimi Raminə Ağayevanın əməyini yüksək qiymətləndirib və onu Diplomla təltif edib.
[caption id="attachment_28117" align="alignnone" width="896"] Foto Bakı Şəhər Mədəniyyət Baş İdarəsinin saytı[/caption]
