Bu gün, 22 fevral su çərşənbəsi ilə əlaqədar "ASAN Könüllüləri" Təşkilatı “Sizin qayğınız bayram sevinci olsun" aksiyasını həyata keçirir. Həmin xeyriyyə aksiyası "ASAN Məktub" sosial proqramı və “Bravo” marketlər şəbəkəsinin birgə əməkdaşlığı çərçivəsində təşkil olunur. Bu haqda Bakuplus.az məlumat verir.
Ehtiyacı olan uşaqların arzuları Əhmədli qəsəbəsi, “20 Yanvar” və “Koroğlu” metro stansiyalarının yaxınlığında yerləşən “Bravo” hipermarketlərində yerləşən “ASAN Məktub” stendində nümayiş etdirilir. Kampaniya bir ay davam edəcək. Qarşıya Novruz bayramı ərəfəsində 1000 uşağın arzusunu həyata keçirmək məqsədi qoyulub.
6 il ərzində “ASAN Məktub” sosial proqramı çərçivəsində 30-dan çox rayonda 6700-dən çox uşağın arzuları gerçəkləşib.
